തലശേരി: ശബരിമല കര്‍മസമിതി നടത്തിയ ഹര്‍ത്താലിനെ തുടര്‍ന്നുണ്ടായ അക്രമങ്ങളുടെ പശ്ചാത്തലത്തില്‍ തലശേരിയില്‍ ഇന്ന് അര്‍ധരാത്രി വരെ നിരോധനാജ്ഞ. തലശേരി, ന്യൂമാഹി പൊലിസ് സ്റ്റേഷന്‍ പരിധികളില്‍ കലക്ടറാണ് നിരോധനാജ്ഞ പ്രഖ്യാപിച്ചത്.
പ്രകടനങ്ങള്‍, ഘോഷയാത്ര, കൂട്ടംകൂടി നില്‍ക്കല്‍ എന്നിവക്ക് കര്‍ശന നിയന്ത്രണം ഏര്‍പ്പെടുത്തി.
മേഖലയിലുണ്ടായ അക്രമത്തില്‍ സി.പി.എം, ബി.ജെപി നേതാക്കളുടേതടക്കം പത്തോളം വീടുകളും നിരവധി സ്ഥാപനങ്ങളും ആക്രമിക്കപ്പെട്ടിരുന്നു. വാഹനങ്ങളും അക്രമത്തിനിരയായി.