മലപ്പുറം: വളാഞ്ചേരിയില്‍ നാല് പെണ്‍മക്കളെ ലൈംഗികമായി പീഡിപ്പിച്ച പിതാവിനെ പൊലിസ് അറസ്റ്റ് ചെയ്തു. പോക്‌സോ വകുപ്പുകള്‍ ചുമത്തിയാണ് അറസ്റ്റ് ചെയ്തിരിക്കുന്നത്. 

10,13,15,17 വയസ് പ്രായമുള്ള പെണ്‍കുട്ടികളാണ് പിതാവിന്റെ ക്രൂരതയ്ക്ക് ഇരയായത്. പ്രതിയ്ക്ക് 47 വയസ് പ്രായമുണ്ട്.

പത്ത് വയസുകാരി പീഡനവിവരം തന്റെ അധ്യാപികയോട് പറയുകയും തുടര്‍ന്ന് അധ്യാപിക ചൈല്‍ഡ് ലൈനിനെ വിവരമറിയിക്കുകയുമായിരുന്നു. ചൈല്‍ഡ് ലൈന്‍ പ്രവര്‍ത്തകരെത്തി കുട്ടിയുടെ സഹോദരിമാരെകൂടി ചോദ്യം ചെയ്തതോടെയാണ് അവരേയും പിതാവ് പീഡിപ്പിക്കുന്നുവെന്ന വിവരം പുറത്തുവന്നത്.

സ്ഥിരമായി മദ്യപിക്കുന്ന ഇയാള്‍ ഏറെ നാളായി മക്കളെ പീഡിപ്പിച്ചുവരികയായിരുന്നു. സംഭവത്തില്‍ കുട്ടികളുടെ അമ്മയ്ക്ക് പങ്കുണ്ടോയെന്ന കാര്യം അന്വേഷിച്ചുവരികയാണ്.