വാഷിങ്ടണ്‍: ഏഴുഗ്രഹങ്ങള്‍ വലം വെക്കുന്ന സൗരയൂഥം കണ്ടെത്തിയ നാസക്ക് അഭിനന്ദനവുമായി  ഗൂഗ്‌ളും. മനോഹരമായ ഡൂഡില്‍ ഒരുക്കിയാണ് ഗൂഗ്ള്‍ കണ്ടുപിടുത്തം ആഘോഷമാക്കിയത്.

ഭൂമിക്കു പുറത്തും ജീവന്റെ തുടിപ്പുകളുണ്ടാകാമെന്ന സാധ്യതകള്‍ സജീവമാക്കുന്നതാണ് നാസയുടെ പുതിയ കണ്ടുപിടുത്തം. ട്രാപിസ്റ്റ് ഒന്ന് എന്നു പേരിട്ടിരിക്കുന്ന നക്ഷത്രത്തിനു ചുറ്റും ഏഴു ഗ്രഹങ്ങളാണ് ഭ്രമണം ചെയ്യുന്നത്. വലിപ്പത്തിലുള്ള കുറവും തണുപ്പുമാണ് ഈ ചെറിയ നക്ഷത്രത്തിന്റെ പ്രത്യേകത. നാസയുടെ സ്പിറ്റ്‌സര്‍ ദൂരദര്‍ശിനിയാണ് ജീവന്റെ വിദൂര സാധ്യതകളെ കണ്ണിനു മുന്നിലെത്തിച്ചത്.