സെന്‍ട്രല്‍ ബോര്‍ഡ് ഓഫ് സെക്കന്‍ഡറി എജ്യുക്കേഷന്‍ (സി.ബി.എസ്.ഇ) 10, 12 ക്ലാസുകളിലെ ബോര്‍ഡ് പരീക്ഷകളുടെ ഹാള്‍ ടിക്കറ്റ് വിതരണം തുടങ്ങി.
സി.ബി.എസ്.ഇ വെബ്‌സൈറ്റില്‍നിന്ന് സ്‌കൂള്‍ ഐ.ഡികള്‍ ഉപയോഗിച്ച് ഡൗണ്‍ലോഡ് ചെയ്യാം. വിദ്യാര്‍ഥികള്‍ക്ക് നേരിട്ട് ഡൗണ്‍ലോഡ് ചെയ്യാന്‍ കഴിയില്ല.
രജിസ്റ്റര്‍ ചെയ്തിട്ടുള്ള സ്‌കൂളുകള്‍ അഡ്മിറ്റ് കാര്‍ഡ് ഡൗണ്‍ലോഡ് ചെയ്തശേഷം പ്രിന്‍സിപ്പലിന്റെ ഒപ്പ് രേഖപ്പെടുത്തി വേണം കുട്ടികള്‍ക്ക് കൈമാറാന്‍.
അഡ്മിറ്റ് കാര്‍ഡില്‍ തങ്ങള്‍ എഴുതുന്ന വിഷയങ്ങളും പരീക്ഷാ തിയതിയും കൃത്യമാണെന്ന് വിദ്യാര്‍ഥികള്‍ ഉറപ്പാക്കണം.
10ാം ക്ലാസ് പരീക്ഷ ഫെബ്രുവരി 15 മുതല്‍ മാര്‍ച്ച് 20 വരെയും 12ാം ക്ലാസ് പരീക്ഷ ഫെബ്രുവരി 15 മുതല്‍ മാര്‍ച്ച് 30 വരെയുമാണ് നടക്കുന്നത്. വെബ്‌സൈറ്റ്:www.cbse.nic.in.