കോഴിക്കോട്: ഗുജറാത്തി സ്ട്രീറ്റില്‍ ലോറി ട്രാന്‍സ്‌പോര്‍ട് ഏജന്റിന്റെ ഓഫിസിനു നേരെ കരിഓയില്‍ ആക്രമണം. ഇന്നലെ പുലര്‍ച്ചെ മൂന്നരയോടെയാണു രണ്ടംഗ സംഘം കരിഓയില്‍ ഒഴിച്ചത്. രണ്ടാം നിലയിലെ ജനല്‍ ചില്ലുകള്‍ അടിച്ചുതകര്‍ത്തിട്ടുണ്ട്. മൂന്നാലിങ്ങലില്‍ താമസിക്കുന്ന ശ്രീകാന്ത് എന്നയാളുടെ ഉടമസ്ഥതയില്‍ പ്രവര്‍ത്തിക്കുന്ന സ്ഥാപനമാണിത്.
ഇവിടുത്തെ സി.സി.ടി.വി ദൃശ്യങ്ങളില്‍ രണ്ടു പേരാണ് അക്രമത്തിനു പിന്നിലെന്ന് ബോധ്യമായിട്ടുണ്ട്. പുലര്‍ച്ചെ 3.30ന് എത്തിയ സംഘത്തിലെ ഒരാള്‍ കരിഓയില്‍ ഒഴിക്കുകയും മറ്റൊരാള്‍ ജനല്‍ചില്ല് തകര്‍ക്കുകയുമായിരുന്നു. അക്രമികള്‍ മുഖം മറച്ചിട്ടുണ്ട്. ടൗണ്‍ പൊലിസ് കേസെടുത്തു.