ഇംഫാല്‍: ഇറോം ശര്‍മിളയുടെ പാര്‍ട്ടി പീപ്പിള്‍സ് റീസര്‍ജന്‍സ് ആന്‍ഡ് ജസ്റ്റിസ് അലയന്‍സ് (പ്രജാ) മണിപ്പൂരില്‍ പ്രകടപത്രിക പുറത്തിറക്കി. മണിപ്പൂരിലെ പ്രത്യേക സൈനികാധികാരം പിന്‍വലിക്കാനാവശ്യമായ നടപടികള്‍ സ്വീകരിക്കുമെന്നാണ് പത്രികയിലെ പ്രധാന വാഗ്ദാനം.

വ്യാഴാഴ്ച്ച ഇംഫാലില്‍ വെച്ചു നടന്ന ചടങ്ങില്‍ ഇറോം ഷര്‍മിളയാണ് പ്രജപാര്‍ട്ടിയുടെ പ്രകടന പത്രിക പുറത്തിറക്കിയത്. വനിതാസംവരണം ഏര്‍പെടുത്തും, അഴിമതി തടയാന്‍ ലോകായുക്ത ആരംഭിക്കും തുടങ്ങിയവയാണ് പ്രകടനപത്രികയിലെ മറ്റ് പ്രധാന വാഗ്ദാനങ്ങള്‍.

കഴിഞ്ഞ വര്‍ഷമാണ് 16 വര്‍ഷത്തെ നിരാഹാരസമരം അവസാനിപ്പിച്ച് മണിപ്പൂരിന്റെ ഉരുക്കു വനിത പ്രജ പാര്‍ട്ടി രൂപികരിച്ചത്. മണിപ്പൂരിലെ 60 നിയമസഭാ മണ്ഡലങ്ങളിലേക്ക് മാര്‍ച്ച് നാലിനും എട്ടിനും രണ്ട് ഘട്ടമായാണ് തെരഞ്ഞെടുപ്പ് നടക്കുന്നത്.