തിരുവനന്തപുരം: തിരുവനന്തപുരം മെഡിക്കൽ കോളജ് ആശുപത്രിയിൽ ആദ്യമായി ഒപി ടിക്കറ്റിന് പണം ഈടാക്കാൻ തീരുമാനിച്ചു. സൗജന്യമായിരുന്ന ഒപി ടിക്കറ്റിന് ഇനി മുതൽ പത്തു രൂപയാണ് ഈടാക്കുക. ആശുപത്രി വികസന സമിതിയാണ് പുതിയ തീരുമാനത്തിന് പിന്നിൽ.

ബിപിഎൽ വിഭാഗത്തെ  ഒപി ടിക്കറ്റ് നിരക്കിൽ നിന്നൊഴിവാക്കിയിട്ടുണ്ട്. തീരുമാനത്തോട് പ്രതിപക്ഷം വിയോജിപ്പ് അറിയിച്ചു. ആശുപത്രി സുപ്രണ്ടിന്റെ ഓഫിസിൽ ജില്ലാ കലക്‌ടറുടെ അധ്യക്ഷതയിലാണ് ആശുപത്രി വികസന സമിതി യോഗം നടന്നത്.

ജനപ്രതിനിധികൾ ഉൾപ്പെടെയുള്ളവർ യോഗത്തിൽ പങ്കെടുത്തിരുന്നു. മറ്റു മെഡിക്കൽ കോളജ് ആശുപത്രികളിൽ നിരക്ക് ഏർപ്പെടുത്തിയതു ചൂണ്ടിക്കാട്ടിയാണ് തിരുവനന്തപുരത്തും പത്തു രൂപ ഏർപ്പെടുത്താൻ തീരുമാനത്തിലെത്തിയത്.