മടിക്കേരി: ടൂറിസ്റ്റ് ബസ് മറിഞ്ഞ് 10 വിദ്യാര്‍ഥികള്‍ക്ക് പരുക്കേറ്റു. തമിഴ്‌നാട്ടില്‍ നിന്നെത്തിയ ബസ്സാണ് മറിഞ്ഞത്. മടിക്കേരി വനഭവനടുത്തു വച്ച് നിയന്ത്രണം വിട്ടു ബസ് മറിയുകയായിരുന്നു. കഴിഞ്ഞ ദിവസം ഉച്ചയോടെയാണ് സംഭവം.
തമിഴ്‌നാട്ടിലെ തിരുച്ചി ജില്ലയിലെ ശ്രിരംഗ സര്‍ക്കാര്‍ എന്‍ജിനിയറിങ് കോളജ് വിദ്യാര്‍ഥികളാണ് അപകടത്തില്‍പെട്ടത്. ബസില്‍ 50 വിദ്യാഥികള്‍ ഉണ്ടായിരുന്നു. അപകടത്തില്‍ ബസിന്റെ ചില്ലുകള്‍ തകര്‍ന്നു. പരുക്കേറ്റ വിദ്യാര്‍ഥികളെ മടിക്കേരി ജില്ലാ ആശുപത്രിയില്‍ പ്രവേശിപ്പിച്ചു. മൈസൂരുവിലെ വിനോദ സഞ്ചാര കേന്ദ്രങ്ങള്‍ സന്ദര്‍ശിച്ചതിന് ശേഷം കുടകില്‍ എത്തിയപ്പോഴാണ് അപകടം സംഭവിച്ചത്.