പുത്തനത്താണി: പുത്തനത്താണിക്കടുത്തു കുറുമ്പത്തൂരില്‍ മദ്‌റസ വിട്ടു വീട്ടിലേക്കു മടങ്ങുകയായിരുന്ന രണ്ടു വിദ്യാര്‍ഥികള്‍ക്കും മറ്റു മൂന്നു പേര്‍ക്കും തെരുവുനായകളുടെ ആക്രമണത്തില്‍ പരുക്കേറ്റു. കുറുമ്പത്തൂര്‍ ഇ.പി.കെ നഗറിലെ ചെങ്ങണകാട്ടില്‍ ഇബ്രാഹീം (കുഞ്ഞാപ്പു), കൗജ, റാബിയ എന്നിവര്‍ക്കും മദ്‌റസാ വിദ്യാര്‍ഥികളായ ഇളനെച്ചിയില്‍ ഫാത്തിമ മെഹബൂബ, ഷെമീമ നെസ്‌റിന്‍ എന്നിവര്‍ക്കുമാണ് പരുക്കേറ്റത്. ഇവര്‍ കോഴിക്കോട് മെഡിക്കല്‍ കോളജില്‍ ചികിത്സ തേടി.