കോഴിക്കോട്: സംസ്ഥാന ചെസ് ചാംപ്യന്‍ഷിപ്പില്‍ പെണ്‍കുട്ടികളുടെ വിഭാഗത്തില്‍ കോഴിക്കോടിന്റെ ഹാദിയ റഹ്മാന്‍ ചാംപ്യനായി. കോഴിക്കോട്ടു നടന്ന ചാംപ്യന്‍ഷിപ്പില്‍ ആറു മത്സരങ്ങളിലും ജയിച്ചാണ് ഹാദിയ ഈ നേട്ടം സ്വന്തമാക്കിയത്.

സെപ്റ്റംബറില്‍ പോണ്ടിച്ചേരിയില്‍ നടക്കുന്ന നാഷനല്‍ ചെസ് ചാംപ്യന്‍ഷിപ്പില്‍ ഹാദിയ കേരളത്തെ പ്രതിനിധീകരിക്കും. കളന്‍തോട് എം.ഇ.എസിലെ വിദ്യാര്‍ഥിനിയാണ്. അബ്ദുറഹ്മാന്‍ ഇളങ്ങോളിയുടെയും കോഴിക്കോട് എന്‍.ഐ.ടി അസി. പ്രൊഫസര്‍ ലിജിയ അറക്കലിന്റെയും മകളാണ് ഹാദിയ.