പെരിന്തല്‍മണ്ണ: ബൈക്കുകള്‍ മോഷ്ടിച്ച് വില്‍പന നടത്തുന്ന സഘത്തിലെ രണ്ടു പേര്‍ പെരിന്തല്‍മണ്ണയില്‍ പിടിയിലായി. ഡിവൈ.എസ്.പി എം.പി മോഹനചന്ദ്രന്റെ നേതൃത്വത്തിലുള്ള സംഘമാണ് പ്രതികളെ അറസ്റ്റ് ചെയ്തത്. വളാഞ്ചേരി കഞ്ഞിപ്പുര സ്വദേശി ചിറ്റയില്‍ കബീര്‍ (30), വെട്ടത്തൂര്‍ എഴുതല പച്ചീരി ഫര്‍ഹാന്‍ ഷിബിലി (22) എന്നിവരാണ് പിടിയിലായത്.
ബൈക്ക് മോഷണക്കേസിലെ പ്രതികളായ അരക്കുപറമ്പ് പള്ളിക്കുന്ന് സ്വദേശി എരിഞ്ഞിപ്പള്ളി മുഹമ്മദാലി (20), കോണിക്കല്‍ മുഹമ്മദ് റിയാസ് (20) എന്നിവരെ ദിവസങ്ങള്‍ക്കു മുന്‍പു പിടികൂടിയിരുന്നു. ഷാഡോ പൊലിസിന്റെ സഹായത്താല്‍ നിരീക്ഷണം നടത്തിയതിനെ തുടര്‍ന്നാണ് പാലക്കാട് ആലത്തൂര്‍ ഭാഗത്തുനിന്നു മോഷണം ചെയ്ത ബജാജ് പള്‍സര്‍ ബൈക്കുമായി യുവാക്കള്‍ പിടിയിലായത്.
അന്വേഷണ സംഘത്തില്‍ സി.ഐ സാജു കെ. അബ്രഹാം, എം.സി പ്രമോദ്, സി.പി മുരളീധരന്‍, പി.എന്‍ മോഹനകൃഷ്ണന്‍, എന്‍.ടി കൃഷ്ണകുമാര്‍, എം. മനോജ്കുമാര്‍, ദിനേഷ്, ഷബീല്‍, സലീന, ജയമണി, അനീഷ് ചാക്കോ എന്നിവരാണുണ്ടായിരുന്നത്.