മംഗളുരു: മുംബൈയില്‍ നിന്നും കൊച്ചിയിലേക്ക് പുറപ്പെട്ട വിമാനം മംഗളുരു വിമാനത്താവളത്തില്‍ അടിയന്തരമായി ഇറക്കി. സാങ്കേതിക തകരാര്‍ മൂലമാണ് വിമാനം ഇറക്കിയത്. ഇന്നലെ വൈകുന്നേരം 7.50 ഓടെയാണ് സംഭവം.

സാങ്കേതിക തകരാര്‍ ശ്രദ്ധയില്‍ പെട്ടതിനാല്‍ പൈലറ്റ് അടിയന്തരമായി വിമാനം ഇറക്കാനുള്ള അനുമതി തേടുകയായിരുന്നു. 58 യാത്രക്കാരാണ് വിമാനത്തിലുണ്ടായിരുന്നത്. ഇവരെ സുരക്ഷിതരായി ലക്ഷ്യസ്ഥാനത്തെത്തിക്കുമെന്ന് എയര്‍ ഇന്ത്യ അധികൃതര്‍ അറിയിച്ചു.