അമ്പലപ്പുഴ: സാമൂഹിക മാറ്റത്തില്‍ അറബി ഭാഷയുടെ പങ്ക് മഹത്തരമാണെന്നും വിദ്യാഭ്യാസ പുരോഗതിയില്‍ അറബി അധ്യാപക സമൂഹം വഹിക്കുന്ന പങ്ക് വളരെ വലുതാണെന്നും അമ്പലപ്പുഴ എ.ഇ.ഒ ദിപാറോസ് പറഞ്ഞു.
ആലപ്പുഴ ജില്ലാ അറബി അധ്യാപക കലാമേളയുടെയും അക്കാഡമിക് കോംപ്ലക്‌സിന്റെയും ഉദ്ഘാടനം നിര്‍വഹിച്ച് സംസാരിക്കുകയായിരുന്നു അവര്‍.
കേരള അറബിക് സ്‌പെഷല്‍ ഓഫിസര്‍ അബ്ദുല്‍ റഹീം അധ്യക്ഷനായി. കോംപ്ലക്‌സ് സെക്രട്ടറി നവാസ് എച്ച്. പാനൂര്‍ സ്വാഗതം പറഞ്ഞു. ബി.പി.ഒ സുമംഗലീ ടീച്ചര്‍, മുന്‍ എ.എസ്.ഒ ബഷീര്‍കുട്ടി, അബ്ദുല്‍ ഗഫൂര്‍, വഹാബ് ഫലാഹി ശിഹാബുദ്ദീന്‍, ഫൈസല്‍, മുഹമ്മദ് ഷരീഫ്, അബ്ദുല്‍ റഷീദ്, അബ്ദുസമദ് പ്രസംഗിച്ചു.
സെക്രട്ടറി ടി.എ യൂനുസ് നന്ദി പറഞ്ഞു.