കാസര്‍കോട്: ജില്ലാ ടെന്നീസ് വോളിബോള്‍ അസോസിയേഷന്റെയും സംസ്ഥാന ടെന്നീസ് വോളിബാള്‍ അസോസിയേഷന്റെയും സംയുക്താഭിമുഖ്യത്തില്‍ സംഘടിപ്പിക്കുന്ന സംസ്ഥാന ടെന്നീസ് വോളിബോള്‍ ചാംപ്യന്‍ഷിപ്പ് 8,9 തിയതികളില്‍ കോട്ടിക്കുളം ഗ്രീന്‍ വുഡ്‌സ് പബ്ലിക് സ്‌കൂള്‍ ഇന്‍ഡോര്‍ കോര്‍ട്ടില്‍ നടക്കുമെന്ന് സംഘാടക സമിതി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
ചാംപ്യന്‍ഷിപ്പില്‍ അണ്ടര്‍ 14, അണ്ടര്‍ 21 വിഭാഗങ്ങളിലായി കേരളത്തിലെ 14 ജില്ലകളില്‍ നിന്നുള്ള 250ല്‍ അധികം പുരുഷ, വനിതാ താരങ്ങള്‍ പങ്കെടുക്കും. അടുത്ത മാസം ബംഗളൂരുവില്‍ നടുക്കുന്ന ദേശീയ ചാംപ്യന്‍ഷിപ്പിലേക്കുള്ള കേരള ടീമിനെ ഇവിടെ നിന്ന് തെരഞ്ഞെടുക്കും. നാളെ രാവിലെ 8 മണി മുതല്‍ രജിസ്‌ട്രേഷന്‍ ആരംഭിക്കും. 10 ന് കെ. കുഞ്ഞിരാമന്‍ എം.എല്‍.എ ഉദ്ഘാടനം ചെയ്യും.
വാര്‍ത്താസമ്മേളനത്തില്‍ സംഘടക സമിതി ചെയര്‍മാന്‍ കാപ്പില്‍ കെ.ബി.എം ഷരീഫ്, കണ്‍വീനര്‍ ഇ.കെ ഹബീബ്, ഗംഗാധരന്‍ പാറക്കട്ട, അബ്ദുല്‍ റഹ്മാന്‍ പാലക്കുന്ന് സംബന്ധിച്ചു.