കോഴിക്കോട്: കേരളത്തിലെ മികച്ച കരിയര്‍ ഗൈഡന്‍സ് സ്ഥാപനമായ കരിയര്‍ ഗുരു സുപ്രഭാതം ദിനപത്രവുമായി സഹകരിച്ച് നടത്തുന്ന മെഡിക്കല്‍, എന്‍ജിനീയറിങ് ഗൈഡന്‍സ് പ്രോഗ്രാമിന് തുടക്കമായി. ടൗണ്‍ഹാളില്‍ നടന്ന പരിപാടിയില്‍ കരിയര്‍ ഗുരു എം.എസ് ജലീല്‍ ഓപ്പണ്‍ ഫോറത്തിന് നേതൃത്വം നല്‍കി. സുപ്രഭാതം സര്‍ക്കുലേഷന്‍ മാനേജര്‍ ഭാസ്‌കരന്‍ ചേലേമ്പ്ര ചടങ്ങില്‍ സംബന്ധിച്ചു. ഇന്ന് മലപ്പുറം ബസ് സ്റ്റാന്റ് ഓഡിറ്റോറിയത്തിലും 15ന് കണ്ണൂര്‍ പൊലിസ് ഓഡിറ്റോറിയത്തിലും പരിപാടി നടക്കും.