കോഴിക്കോട്: സിറ്റി ഓട്ടോ സംയുക്ത ട്രേഡ് യൂനിയന്‍ കണ്‍വെന്‍ഷനില്‍ പുതിയ കോഡിനേഷന്‍ കമ്മിറ്റി രൂപീകരിച്ചു. സി.ഐ.ടി.യു സിറ്റി കമ്മിറ്റി ഓഫിസില്‍ ചേര്‍ന്ന യോഗത്തിലാണ് പുതിയ കമ്മിറ്റി രൂപീകരിച്ചത്.
കണ്‍വീനറായി വി.ബി ജെയ്‌സണ്‍, ജോ. കണ്‍വീനര്‍മാരായി യു.സതീശന്‍, കെ.പി സനല്‍ കുമാര്‍, സി.വി ഇസ്മഈല്‍ എന്നിവരെയും ട്രഷററായി കെ.സി ശശികുമാറിനെയും ഏകകണ്ഠമായി തെരഞ്ഞെടുത്തു. റെയില്‍വേയില്‍ അനധികൃത സര്‍വിസ് നടത്തുന്ന ഓട്ടോകള്‍ക്കെതിരേ നടപടി എടുക്കണമെന്നാവശ്യപ്പെട്ട് കലക്ടര്‍, സിറ്റി പൊലിസ് കമ്മിഷണര്‍ എന്നിവര്‍ക്ക് പരാതി നല്‍കാന്‍ തീരുമാനിച്ചു. യു.സതീശന്‍ അധ്യക്ഷനായി. വി.ബി ജെയ്‌സണ്‍, കെ.പി സനല്‍കുമാര്‍ സംബന്ധിച്ചു.