കാട്ടാക്കട: കേന്ദ്ര യുവജനകാര്യ മന്ത്രാലയം സംസ്ഥാനത്തെ മികച്ച അഞ്ച് നാഷണല്‍ സര്‍വീസ് സ്‌കീം യൂനിറ്റിന് നല്‍കുന്ന നാഷണല്‍ യങ്ങ് ലീഡേഴ്‌സ് പ്രോഗ്രാം അവാര്‍ഡിന് പൂവച്ചല്‍ സര്‍ക്കാര്‍ വി.എച്ച്.എസ്.സ്‌കൂളിലെ എന്‍.എസ്.എസ് യൂനിറ്റും പ്രോഗ്രാം ഓഫിസര്ഡ അമീര്‍സിദ്ദീഖിയും അര്‍ഹരായി.
ഇന്നലെ യൂനിറ്റ് വോളന്റിയേഴ്‌സിനെയും പ്രോഗ്രാം ഓഫിസറെയും  വിദ്യാഭ്യാസ വകുപ്പ് മന്ത്രി പ്രൊഫ.സി രവീന്ദ്രനാഥ് അവാര്‍ഡും സര്‍ട്ടിഫിക്കറ്റും നല്‍കി ആദരിച്ചു. കെ.മുരളീധരന്‍ എം.എല്‍ .എ അധ്യക്ഷനായി.
 എന്‍ .എസ് .എസ് റീജിയണല്‍ ഡയറക്ടര്‍ ജി.പി സജിത് ബാബു, സ്റ്റേറ്റ് കോര്‍ഡിനേറ്റര്‍ ഇ. ഫാസില്‍, സ്റ്റേറ്റ് കരിയര്‍ ഗൈഡന്‍സ് ഓഫിസര്‍ സാബു വി.ആര്‍, അലക്‌സ് നേമം തുടങ്ങിയവര്‍ സംസാരിച്ചു.