ഗൂഡല്ലൂര്‍: തമിഴ്‌നാട് പ്ലസ്ടു പരീക്ഷ ഇന്നാരംഭിക്കും. 31 വരെയാണ് പരീക്ഷ നടക്കുന്നത്. ജില്ലയില്‍ 35 പരീക്ഷാ കേന്ദ്രങ്ങളാണുള്ളത്. 3,782 ആണ്‍കുട്ടികളും 4664 പെണ്‍കുട്ടികളും ഉള്‍പ്പെടെ മൊത്തം 8446 വിദ്യാര്‍ഥികളാണ് പരീക്ഷയെഴുതുന്നത്. കുന്നൂര്‍ വിദ്യാഭ്യാസ ജില്ലയില്‍ 22 പരീക്ഷാ കേന്ദ്രങ്ങളും ഗൂഡല്ലൂര്‍ വിദ്യാഭ്യാസ ജില്ലയില്‍ 13 പരീക്ഷാ കേന്ദ്രങ്ങളുമാണുള്ളത്. പരീക്ഷാ ഹാളില്‍ എല്ലാ സൗകര്യവും ഏര്‍പ്പെടുത്തിയിട്ടുണ്ടെന്ന് ജില്ലാ വിദ്യാഭ്യാസ ഓഫീസര്‍ ഗണേഷ്മൂര്‍ത്തി അറിയിച്ചു. കേന്ദ്രങ്ങള്‍ക്ക് കനത്ത സുരക്ഷയാണ് ഏര്‍പ്പെടുത്തിയിരിക്കുന്നത്.