കല്‍പ്പറ്റ: മാര്‍ച്ച് എട്ടിന് ആരംഭിക്കുന്ന എസ്.എസ്.എല്‍.സി പരീക്ഷക്ക് ജില്ലയില്‍ 12548 വിദ്യാര്‍ഥികള്‍. രണ്ടു ടെക്‌നിക്കല്‍ സ്‌കൂളുകള്‍ ഉള്‍പെടെ 88 സെന്ററുകളിലാണ് പരീക്ഷ നടക്കുക. പരീക്ഷയ്ക്കായുള്ള മുന്നൊരുക്കങ്ങള്‍ വിദ്യാഭ്യാസ വകുപ്പിന്റെ നേതൃത്വത്തില്‍ പുരോഗമിക്കുകയാണ്. ഇതിന്റെ ഭാഗമായി ക്ലസ്റ്റര്‍ തലത്തില്‍ ചോദ്യപേപ്പര്‍ തരം തിരിക്കല്‍ ഇന്ന് നടക്കും.   ഈമാസം എട്ടിന് മലയാളം ഒന്നാം ഭാഗമാണ് ആദ്യ പരീക്ഷ. ഉച്ചക്ക്  1. 45 മുതല്‍ 3.30 വരെയും സോഷ്യല്‍ സയന്‍സ്, ഇംഗ്ലീഷ്, കണക്ക് എന്നിവ ഉച്ചക്ക് 1.45 മുതല്‍ 4.50 വരെയാണ് പരീക്ഷ നടക്കുക.