പാപ്പിനിശ്ശേരി: നിരവധി കേസുകളില്‍ പ്രതിയായി പൊലിസ് അന്വേഷിക്കുകയായിരുന്ന പ്രതി പിടിയില്‍. ശ്രീലങ്ക സ്വദേശിയും ചെറുപുഴ താമസമാക്കിയ മുജീബാണ്(39) പിടിയിലായത്. ഇയാള്‍ക്കെതിരെ ആലക്കോട് പൊലിസ്സ്‌റ്റേഷനില്‍ രണ്ട് കേസും പരിയാരം പൊലിസ് സ്റ്റേഷനില്‍ ഒരു വാറണ്ടും നിലവിലുണ്ട്. കണ്ണ പുരം പൊലിസിന്റെ തന്ത്രപരമായ ഇടപെടലിലൂടെയാണ് പ്രതി പിടിയിലായത്. കണ്ണപുരം പൊലിസിലെ സീനിയര്‍ സിവില്‍ പൊലിസ് ഓഫിസര്‍ സുരേഷ് പ്രതിയുമായി പരിചയം നടിച്ച് ഇന്നലെ വൈകിട്ടോടെ വലയിലാക്കുകയായിരുന്നു. കണ്ണപുരം പൊലിസിന്റെ പിടിയിലായ പ്രതിയെ ആലക്കോട് സ്റ്റേഷനിലേക്ക് കൈമാറുകയാണുണ്ടായതെന്നു കണ്ണപുരം പൊലിസ് പറഞ്ഞു. പ്രതിയെ കണ്ണൂര്‍ കോടതി റിമാന്‍ഡ് ചെയ്തു.