ബെംഗളൂരു: നഗര വികസനത്തിന്റെ ഭാഗമായി ബെംഗളൂരു അന്താരാഷ്ട്ര വിമാനത്താവളത്തിലേക്കുള്ള വമ്പന്‍ സ്റ്റീന്‍ പാല നിര്‍മാണ പദ്ധതി സര്‍ക്കാര്‍ ഉപേക്ഷിച്ചു.

1800 കോടിയുടേതായിരുന്നു പദ്ധതി. വളരെ വേദനയോടെയാണ് പദ്ധതി ഉപേക്ഷിക്കുന്നതെന്നു ബെംഗളൂരു നഗര വികസന മന്ത്രി കെ ജോര്‍ജ്ജ് പറഞ്ഞു.

1800 കോടി രൂപ ചെലവിട്ട് പാലം നിര്‍മിക്കാന്‍ സര്‍ക്കാര്‍ പദ്ധതിയിട്ടതു മുതല്‍ പലഭാഗത്തു നിന്നും എതിര്‍പ്പുകളുണ്ടായി. 6.7 കിലോ മീറ്റര്‍ നീളത്തില്‍ സ്റ്റീല്‍ ഉപയോഗിച്ചാണ് പാലം നിര്‍മിക്കാനൊരുങ്ങിയത്.

പാലം നിര്‍മാണത്തിനായി 812 മരങ്ങള്‍ മുറിക്കേണ്ടി വരുമെന്നതിനാലും എതിര്‍പ്പ് വര്‍ധിച്ചു. ദേശീയ ഹരിത ട്രൈബ്യൂണലിന്റെ അനുമതി വൈകാനും ഇതു കാരണമായി. പദ്ധതിക്കു പിന്നില്‍ വന്‍ അഴിമതിയുണ്ടെന്ന ആരോപണവും ശക്തമായതോടെയാണ് ഉപേക്ഷിക്കാന്‍ സര്‍ക്കാര്‍ തീരുമാനിച്ചത്.