പല്ലശ്ശന: കുട്ടികള്‍ക്ക് പഠനകാലത്ത് ഏറെ പേടി സ്വപ്നമായ കണക്കിനെ ഒരു വീടാക്കി മാറ്റി പല്ലാവൂര്‍ ഗവ. എല്‍.പി.സ്‌കൂള്‍ കുട്ടികള്‍. വിദ്യാലയത്തില്‍ ക്ലാസ് റൂമിലും പരിസരങ്ങളിലും കണക്കിന്റെ വിവിധ രൂപങ്ങള്‍ തയ്യാറാക്കി പ്രദര്‍ശിപ്പിച്ചു. ചാര്‍ട്ട്, കാര്‍ഡ് ബോര്‍ഡ്, വെയ്സ്റ്റ് മെറ്റീരിയല്‍സ് എന്നിവ രക്ഷിതാക്കളുടെയും അധ്യാപകരുടെയും സഹായത്തോടെയാണ് കുട്ടികള്‍ ഒരുക്കിയത്. പ്ലേ ഹൗസ്, ജിയോഹോം, മെട്രിക്ക് ഹോം, ഒറിഗാമി ഹോം, എന്നീ പേരുകളില്‍ സീനിയര്‍ ജൂനിയര്‍ വിഭാഗങ്ങളില്‍ എട്ട് മൂലകള്‍ ഒരുക്കി. ഒരോ മൂലയിലും ആ മേഖലയുമായി ബന്ധപ്പെട്ട പ്രവര്‍ത്തനങ്ങള്‍ക്ക് കുട്ടികള്‍ തന്നെ നേതൃത്വം നല്‍കി.
സര്‍വശിക്ഷ അഭിയാന്‍ ജില്ലാ പ്രോഗ്രാം ഓഫിസര്‍ എം.കെ നൗഷാദ് അലി, ഗണിതോത്സവം ഉദ്ഘാടനം ചെയ്തു. വി. ജ്യോതി അധ്യക്ഷയായി. പ്രധാനാധ്യാപകന്‍ എ. ഹാറൂണ്‍, ബി.പി.ഒ പി.എ ബഷീര്‍, ബീ. ഗീത, ബി. പത്മകുമാര്‍, കണ്‍വീനര്‍ ഡി. പ്രിയസൂന, ടി.ഇ ഷൈമ സംസാരിച്ചു.