കുമ്പള: ബസ് സ്റ്റാന്‍ഡ് കെട്ടിടത്തിന്റെ മേല്‍ക്കൂര അടര്‍ന്നു വീണതിനെത്തുടര്‍ന്ന് ഡി.വൈ.എഫ്.ഐ പ്രവര്‍ത്തകര്‍ കെട്ടിടത്തിനകത്തേക്കുള്ള കവാടം അടച്ചതില്‍ പ്രതിഷേധിച്ചു കുമ്പളയില്‍ വ്യാപാരികള്‍ ഹര്‍ത്താല്‍ നടത്തി. കഴിഞ്ഞ ദിവസം വൈകുന്നേരം അഞ്ചോടെയാണ് മേല്‍ക്കൂര അടര്‍ന്നു വീണത്.
തുടര്‍ന്നു ഡി.വൈ.എഫ്.ഐ പഞ്ചായത്ത് അധികൃതരുടെ നിരുത്തരവാദ സമീപനങ്ങള്‍ക്കെതിരേ ടൗണില്‍ പ്രകടനം നടത്തി.
പ്രകടത്തിനൊടുവില്‍ ടിപ്പറുകളില്‍ മണ്ണു കൊണ്ടു വന്നു ചെരിഞ്ഞാണു കെട്ടിടത്തിലേക്കുള്ള കവാടങ്ങള്‍ അടച്ചത്.
കെട്ടിടത്തിന്റെ വടക്കുവശത്തെ കവാടത്തിനരികിലും തെക്കുവശത്തെ പ്രവേശന സ്ഥലത്തും മണ്‍കൂനകള്‍ക്കു പുറമെ കല്ലുപയോഗിച്ചു മതിലുകളും തീര്‍ത്തു.