നിലമ്പൂര്‍: സി.പി.എം ഏരിയ സെക്രട്ടറിക്കെതിരേ പരാതിയുടെ അടിസ്ഥാനത്തില്‍ ജില്ലാ സെക്രട്ടറിയേറ്റ് അന്വേഷണം തുടങ്ങി. സാമ്പത്തിക ക്രമക്കേട് നടത്തിയെന്ന പരാതിയില്‍ ജില്ലാ സെക്രട്ടേറിയേറ്റ് അംഗങ്ങളായ വി.പി അനില്‍, യു. ജയന്‍ എന്നിവരാണ് നിലമ്പൂരില്‍ തെളിവെടുപ്പ് നടത്തിയത്. ഏരിയ കമ്മിറ്റി അംഗം ടി. സുരേഷ് കുമാര്‍, ലോക്കല്‍ കമ്മിറ്റി അംഗങ്ങളായ എം.സി അബു, രാധാകൃഷ്ണന്‍ വരടേംപാടം, എം.കെ അഹമ്മദ്കുട്ടി എന്നിവരില്‍ നിന്നു മൊഴിയെടുത്തു.