കല്‍പ്പറ്റ: എസ്.എം.എഫ് സംസ്ഥാന കമ്മിറ്റിയുടെ തീരുമാനപ്രകാരം ജില്ലയിലെ ഖത്വീബുമാരുടെ സംഗമം ചൊവ്വാഴ്ച രാവിലെ 10.30ന് കല്‍പ്പറ്റ സമസ്താലയത്തില്‍ നടക്കും. ആശയപരമായും കാലികമായും സമൂഹത്തെ ബോധവല്‍ക്കരിക്കുന്നതിനാവശ്യമായ മാര്‍ഗനിര്‍ദേശം നല്‍കുന്നതിനായി നടത്തുന്ന സംഗമത്തില്‍ ജില്ലാ ഘടകത്തിന് രൂപംനല്‍കും.
ഉച്ചയ്ക്കുരണ്ടിനു നിലവില്‍ പ്രവര്‍ത്തിച്ചുവരുന്ന എസ്.എം.എഫ് ജില്ലാ കമ്മിറ്റിയുടെ കൗണ്‍സില്‍ യോഗം നടക്കും. പ്രവര്‍ത്തന റിപ്പോര്‍ട്ടും വരവുചെലവു കണക്കുകളും അവതരിപ്പിക്കുന്ന യോഗത്തില്‍ പുതിയ ജില്ലാ കമ്മിറ്റിക്കു രൂപം നല്‍കും. കേന്ദ്രമുശാവറ അംഗങ്ങളായ കെ.ടി ഹംസ മുസ്‌ലിയാര്‍, വി. മൂസക്കോയ മുസ്‌ലിയാര്‍, പിണങ്ങോട് അബൂബക്കര്‍, എ.കെ ആലിപറമ്പ് സംബന്ധിക്കും.