കാട്ടാക്കട: ഫെയ്‌സ്ബുക്കിലൂടെ മുഖ്യമന്ത്രിയെ അപമാനിച്ച കേസില്‍ ആര്‍.എസ്.എസ് പ്രാദേശിക നേതാവ് പുളിയറക്കോണം മുടിപ്പുര റോഡ് സതി നിലയത്തില്‍ രാജേഷ് ബാബുവിനെ വിളപ്പില്‍ശാല പൊലിസ് അറസ്റ്റ് ചെയ്തു.
ഫെയ്‌സ്ബുക്ക് പോസ്റ്റിലൂടെ മുഖ്യമന്ത്രിയെ അശ്ലീലം പറഞ്ഞതിനും ആദരാഞ്ജലികള്‍ അര്‍പ്പിച്ചതിനും ഡി.വൈ.എഫ്.ഐ വിളപ്പില്‍ശാല മേഖലാ കമ്മിറ്റി നല്‍കിയ പരാതിയിലാണ് അറസ്റ്റ്. ഹര്‍ത്താല്‍ ദിനത്തില്‍ മലയിന്‍കീഴ് ജങ്ഷനില്‍ പൊലിസിനെയും ജനങ്ങളെയും അക്രമിച്ച കേസില്‍ ഇയാള്‍ റിമാന്‍ഡിലായിരുന്നു. കഴിഞ്ഞ ദിവസം ജാമ്യത്തിലിറങ്ങിയിരുന്നു.