കണ്ണൂര്‍: കലകള്‍ സമൂഹത്തില്‍ ചെലുത്തുന്ന സ്വാധീനം തിരിച്ചറിഞ്ഞ് നന്മയില്‍ ഊന്നിയ കലകളെ പ്രോത്സാഹിപ്പിക്കാന്‍ ഏവരും മുന്നോട്ടുവരണമെന്നു സമസ്ത കേന്ദ്ര മുശാവറ അംഗം മാണിയൂര്‍ അഹ്മദ് മുസ്‌ലിയാര്‍. ജംഇയ്യത്തുല്‍ മുഅല്ലിമീന്‍ ജില്ലാ കലാമേളയോടനുബന്ധിച്ച് വിദ്യാര്‍ഥികളില്‍ നിന്നു സ്വരൂപിക്കുന്ന തേങ്ങ ശേഖരണം ആറ്റടപ്പ മുഹമ്മദ് ഹാജിയില്‍ നിന്നു സ്വീകരിച്ച് ജില്ലാതല ഉദ്ഘാടനം നിര്‍വഹിക്കുകയായിരുന്നു അദ്ദേഹം.
നല്ല കലകളെ വെറുക്കുന്നതും നിരുത്സാഹപ്പെടുത്തുന്നതും ഭൂഷണമല്ല. നല്ല കലകള്‍ നല്ല സമൂഹത്തെ വാര്‍ത്തെടുക്കുമെന്നും മാണിയൂര്‍ അഹ്മദ് മുസ്‌ലിയാര്‍ വ്യക്തമാക്കി.
മാണിയൂര്‍ അബ്ദുറഹ്മാന്‍ ഫൈസി അധ്യക്ഷനായി. അബ്ദുസമദ് മുട്ടം, അബ്ദുല്ല ദാരിമി, ലത്തീഫ് എടവച്ചാല്‍, റഷാദ് ദാരിമി, ജാഫര്‍ അസ്ഹരി, റഷീദ് അസ്ഹരി, സുബൈര്‍ സിറ്റി, റിയാസ് ശാദുലിപ്പള്ളി സംസാരിച്ചു.