കൂറ്റനാട്: മേഴത്തൂര്‍ കിഴക്കെ കോടനാട് പിഷാരിക്കല്‍ മോഹനന്റെ വീട്ടുവളപ്പിലെ കിണറ്റില്‍ വീണ ആണ്‍മയിലിനെ രക്ഷപ്പെടുത്തി. ശനിയാഴ്ച രാവിലെ പത്തിനാണ് മയില്‍ കിണറ്റില്‍ വീണത്. കാര്‍ഷിക ആവശ്യങ്ങള്‍ക്ക് ഉപയോഗിക്കുന്ന കിണറ്റില്‍ വെള്ളം കുറവായിരുന്നു. വീട്ടുകാര്‍ വിവരം അറിയിച്ചതിനെ തുടര്‍ന്നു പാമ്പുപിടുത്തക്കാരന്‍ കൈപ്പുറം അബ്ബാസ് എത്തി മയിലിനെ കിണറ്റില്‍നിന്ന് രക്ഷപ്പെടുത്തി. വീഴ്ച്ചയില്‍ കാലിനു പരുക്കു പറ്റിയ മയിലിനെ തൊട്ടടുത്ത മൃഗാശുപത്രിയില്‍ കൊണ്ടുപോയി പ്രാഥമിക ശുശ്രൂഷ നല്‍കിയതിനു ശേഷം വനം വകുപ്പു അതികൃതര്‍ക്കു കൈമാറി.
റബ്ബര്‍ കാടുകളില്‍നിന്നും മറ്റും മയിലുകള്‍ ജനവാസ കേന്ദ്രത്തിലേക്ക് ഇറങ്ങുന്നത് സ്ഥിരം കാഴ്ചയാണ്.