അല്‍ഖോബാര്‍

സമസ്ത ഇസ്‌ലാമിക് സെന്റര്‍ അല്‍കോബാര്‍ സെന്‍ട്രല്‍ കമ്മിറ്റി നടത്തിയ സമ്മേളനം ' ഇന്ത്യ രാജ്യത്ത് നിലവിലുള്ള ഭരണഘടനയും പൗരന്മാരുടെ മൗലികാവകാശവും സംരക്ഷിക്കാന്‍ സഹോദര മതവിഭാഗത്തോടപ്പം സൗഹൃദം ഊട്ടിയുറപ്പിക്കണമെന്നും മതവിദ്വേഷവും ശത്രുതയും ഉണ്ടാക്കാന്‍ കാരണമാകുന്ന പ്രവര്‍ത്തനങ്ങളില്‍ അകന്ന് നിന്ന് സൗഹൃദത്തിന്റെ മരം നട്ടു പിടിപ്പിച്ച് ഭാവിയിലെ ഇന്ത്യ ആശങ്കയില്‍ നിന്നും ഫാഷിസത്തില്‍ നിന്നും മുക്തമാക്കാന്‍ പ്രയത്‌നിക്കണമെന്നും സമ്മേളനം ആവശ്യപ്പെട്ടു .

സമസ്ത ഇസ്‌ലാമിക് സെന്റര്‍ അല്‍കോബാര്‍ സെന്‍ട്രല്‍ കമ്മിറ്റി പ്രസിഡന്റ് അബ്ദുല്‍ നാസര്‍ ദാരിമി അധ്യക്ഷ വഹിച്ച പരിപാടി ചെയര്‍മാന്‍ സയ്യിദ് സൈനുല്‍ ആബിദ് തങ്ങള്‍ ഉദ്ഘാടനം ചെയ്തു. സമസ്ത ഇസ്‌ലാമിക് സെന്റര്‍ ഈസ്റ്റേണ്‍ പ്രൊവിന്‍സ് കമ്മിറ്റി വൈസ് പ്രസിഡന്റ് ഫവാസ് ഹുദവി പ്രമേയ പ്രഭാഷണം നടത്തി, നൗഫല്‍ മാവൂര്‍ പ്രതിജ്ഞ ചൊല്ലി കൊടുക്കുകയും, സജീര്‍ അസ്അദി ദേശീയോദ്ഗ്രഥന ഗാനം ആലപിക്കുകയും ചെയ്തു.

കെ. എം.സി.സി പ്രതിനിധി അഷ്‌റഫ് ആളത്ത്, ഒ. ഐ.സി.സി പ്രതിനിധി സക്കീര്‍ പറമ്പില്‍, മീഡിയ പ്രതിനിധി മുജീബ് കളത്തിങ്കല്‍, അബ്ദുല്‍ അസീസ് റഫാ ഹോസ്പിറ്റല്‍ മാനേജര്‍ പരിപാടിയില്‍ ആശംസയര്‍പ്പിച്ചു. ജനറല്‍ സെക്രട്ടറി മുസ്തഫ പൂക്കാടന്‍ സ്വാഗതവും ട്രഷറര്‍ ഇഖ്ബാല്‍ ആനമങ്ങാട് നന്ദിയും രേഖപ്പെടുത്തി.