മലപ്പുറം: ദാറുല്‍ഹുദാ ഇസ്‌ലാമിക സര്‍വകലാശാലയുടെ അഞ്ചാമത് സിബാഖ് ദേശീയ കലോത്സവത്തിന്റെ ഗ്രാന്റ് ഫിനാലെയ്ക്ക് ഇന്ന് തിരശ്ശീല വീഴും. കേരളേതര സംസ്ഥാനങ്ങളിലെ വാഴ്‌സിറ്റി കാംപസുകളിലെ വിദ്യാര്‍ഥികളുടെ കലാമത്സരങ്ങള്‍ കാഴ്ചക്കാരുടെ മനംകവരുന്നതായിരുന്നു. ഖവ്വാലി, ഗസല്‍, മാഷപ്പ്, അറബി ഇംഗ്ലീഷ് സംവാദങ്ങള്‍ എന്നിവ മൂന്നാം ദിവസത്തെ വേറിട്ട കാഴ്ചകളായി.

ഗ്രാന്റ് ഫിനാലെയുടെ സമാപന സമ്മേളനം ഇന്ന് വൈകിട്ട് ഏഴിന് പാണക്കാട് സയ്യിദ് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്യും. വി.സി ഡോ.ബഹാഉദ്ദീന്‍ മുഹമ്മദ് നദ്‌വി അധ്യക്ഷനാവും. ഹൈദരാബാദിലെ മൗലാനാ ആസാദ് നാഷണല്‍ ഉര്‍ദു യൂനിവേഴ്‌സിറ്റി വി.സി ഡോ.മുഹമ്മദ് അസ്‌ലം പര്‍വേസ് വിശിഷ്ടാതിഥിയാകും. കലാപ്രതിഭകള്‍ക്കുള്ള ട്രോഫികള്‍ പി.വി അബ്ദുല്‍ വഹാബ് എം.പി വിതരണം ചെയ്യും.
ഡോ. അലീം അശ്‌റഫ് ജെയ്‌സി ഹൈദരാബാദ്, എസ്.കെ.എസ്.എസ്.എഫ് സംസ്ഥാന ജനറല്‍ സെക്രട്ടറി സത്താര്‍ പന്തല്ലൂര്‍, നാലകത്ത് സൂപ്പി, എ.കെ അബ്ദുറഹ്മാന്‍ മുസ്‌ലിയാര്‍, പി.വി മുഹമ്മദ് മൗലവി, സി.കെ.കെ മാണിയൂര്‍, ഇ.എം കോയ ഹാജി സംബന്ധിക്കും.
ഇന്നലെ വൈകിട്ട് നടന്ന സമ്മാനദാന ചടങ്ങ് പി.കെ അബ്ദുറബ്ബ് എം.എല്‍.എ ഉദ്ഘാടനം ചെയ്തു. കെ.എം സൈതലവി ഹാജി, യു.ശാഫി ഹാജി ചെമ്മാട്, ഹംസ ഹാജി മൂന്നിയൂര്‍, മുക്ര അബൂബക്കര്‍ ഹാജി, പി.കെ അബ്ദുന്നാസ്വിര്‍ ഹുദവി, എം.കെ ജാബിറലി ഹുദവി, കെ.പി ജഅ്ഫര്‍ ഹുദവി കുളത്തൂര്‍ സംബന്ധിച്ചു.