ചേളാരി: എസ്. കെ. എസ്. ബി. വി സംസ്ഥാന കമ്മിറ്റി മാര്‍ച്ച് 22 മുതല്‍ മെയ് 22 വരെ സംഘടിപ്പിക്കുന്ന ജലദിന കാംപയിന്‍ സംസ്ഥാനതല ഉദ്ഘാടനം മാര്‍ച്ച് 19ന് രാവിലെ എട്ടിന് കണ്ണൂര്‍ ജില്ലയിലെ പാലത്തിങ്കരയില്‍ സംസ്ഥാനപ്രസിഡന്റ് സയ്യിദ് അസീല്‍അലി ശിഹാബ് തങ്ങള്‍ ഉദ്ഘാടനം ചെയ്യും. കൊടക് അബ്ദുറഹിമാന്‍ മുസ്‌ലിയാര്‍ പ്രമേയ പ്രഭാഷണം നടത്തും. ശുചിത്വ മിഷന്‍ അസിസ്റ്റന്റ് കോ ഓഡിനേറ്റര്‍ സുരേഷ് കസ്തൂരി മുഖ്യാതിഥിയാകും.
കാംപയിന്റെ ഭാഗമായി 20,21,22 തിയതികളില്‍ ജില്ലാ, റെയ്ഞ്ച്, മദ്‌റസാ തല ഉദ്ഘാടനങ്ങള്‍ നടക്കും. മത സാമൂഹിക രാഷ്ട്രീയ സാംസ്‌കാരിക രംഗത്തെ പ്രമുഖര്‍ സംബന്ധിക്കും. കാംപയിന്‍ കാലയളവില്‍ ശാഖാതലങ്ങളില്‍ തണ്ണീര്‍പന്തല്‍, പോസ്റ്റര്‍ പ്രദര്‍ശനം, ജലദിന പ്രതിജ്ഞ, ബോധവല്‍ക്കരണം എന്നിവ നടക്കും.
കാംപയിന്‍ വന്‍ വിജയമാക്കാന്‍ പ്രവര്‍ത്തകര്‍ കര്‍മരംഗത്തിറങ്ങണമെന്ന് സംസ്ഥാന പ്രസിഡന്റ് പാണക്കാട് സയ്യിദ് അസീല്‍അലി ശിഹാബ് തങ്ങള്‍, ജനറല്‍ സെക്രട്ടറി അഫ്‌സല്‍ രാമന്തളി, ട്രഷറര്‍ മനാഫ് കോട്ടോപാടം എന്നിവര്‍ അഭ്യര്‍ഥിച്ചു.