കരുവാരക്കുണ്ട്: അന്‍പതാണ്ട് അധ്യാപന ചരിത്രം കിഴക്കനേറനാടിന് സമ്മാനിച്ച പ്രിയ ഗുരു ജി.സി കാരക്കലിനെ നജാത്ത് കോളജ് ഒഫ് സയന്‍സ് ആന്‍ഡ് ടെക്‌നോളജി വിദ്യാര്‍ഥി യൂനിയന്‍, സ്റ്റാഫ് കൗണ്‍സില്‍ എന്നിവര്‍ സംയുക്തമായി ആദരിച്ചു. പ്രശസ്ത ചിന്തകന്‍ കെ.ഇ.എന്‍ കുഞ്ഞഹമ്മദ് മുഖ്യപ്രഭാഷണം നടത്തി. പ്രിന്‍സിപ്പല്‍ ബാബു തോമസ് അധ്യക്ഷനായി. എന്‍.കെ അബ്ദുറഹ്മാന്‍ ഉദ്ഘാടനം നിര്‍വഹിച്ചു. എം അലവി, ടി.കെ ഹംസ ഹാജി, ഫരീദ് റഹ്മാനി, സി ഹംസ, ജി.സി കാരക്കല്‍, ശിവദാസന്‍, സീതീ സവാദ്, ഉമര്‍ ഷാഹിദ്, ശിബില്‍ റഹ്മാന്‍  സംസാരിച്ചു.