തളിപ്പറമ്പ്: കെയര്‍ തളിപ്പറമ്പ് റിലീഫ് സെല്‍ ഇ അഹമ്മദ് സ്മാരക സൗജന്യ ശുദ്ധജല വിതരണ പദ്ധതി നടപ്പാക്കുന്നു. കുടിവെള്ള ക്ഷാമം രൂക്ഷമായ മണ്ഡലത്തിലെ വിവിധയിടങ്ങളില്‍ നേരിട്ട് ശുദ്ധജലമെത്തിക്കുക എന്ന ലക്ഷ്യത്തോടെ ഷാര്‍ജ കെ.എം.സി.സി തളിപ്പറമ്പ മണ്ഡലം കമ്മിറ്റിയുടെ കീഴിലുള്ള കെയര്‍ തളിപ്പറമ്പ റിലീഫ് സെല്‍ മുന്‍കൈയെടുത്താണ് പദ്ധതി നടപ്പാക്കുന്നത്. ഏപ്രില്‍ ആദ്യവാരം തുടങ്ങും.
 യോഗം ഷാര്‍ജ കെ.എം.സി.സി  സംസ്ഥാന സെക്രട്ടറി ഇക്ബാല്‍ അള്ളാംകുളം ഉദ്ഘാടനം ചെയ്തു. അഷ്‌റഫ് കൊമ്മച്ചി അധ്യക്ഷനായി.
അസൈനാര്‍ ചപ്പാരപ്പടവ്, ഷക്കീര്‍ സി കുപ്പം, അബ്ദുല്‍ ഖാദര്‍ മയ്യില്‍, നൂറുദ്ധീന്‍, മുഹമ്മദലി, സമീര്‍ പാട്ടയം, ശിഹാബ് സി കുപ്പം സംസാരിച്ചു.