ജിദ്ദ:  മലപ്പുറം ജില്ലാ കെഎംസിസി നടപ്പിലാക്കുന്ന കുടുംബ സുരക്ഷാ പദ്ധതിയില്‍ മാറാക്കര പഞ്ചായത്തില്‍നിന്നുള്ള മുഴുവന്‍ കെ എം സി സി മെമ്പര്‍മാരെയും ഉള്‍പ്പെടുത്തി പദ്ധതി വിജയിപ്പിക്കാന്‍ ജിദ്ദ  മാറാക്കര പഞ്ചായത്ത് കെ എം സി സി കമ്മിറ്റി തീരുമാനിച്ചു.

കുടുംബ സുരക്ഷാ പദ്ധതിയുടെ പഞ്ചായത്ത് കോഓര്‍ഡിനേറ്റര്‍ ആയി ഫര്‍ഹാന്‍ നാസറിനെ തെരെഞ്ഞെടുത്തു.

ജീവ കാരുണ്യ  പ്രവര്‍ത്തനങ്ങള്‍ നടത്തുന്നതിന് ഫണ്ട് സ്വരൂപിക്കുന്നതിനു വേണ്ടി പ്രതിമാസ ഗോള്‍ഡ് കോയിന്‍സ് നറുക്കെടുപ്പ് പദ്ധതി ആരംഭിക്കാനും തീരുമാനിച്ചു.

റുവൈസ് യൂണിറ്റി സെന്ററില്‍വച്ച് നടന്ന യോഗം ചെയര്‍മാന്‍ നാസര്‍ കാടാമ്പുഴ ഉദ്ഘാടനം ചെയ്തു. പ്രസിഡന്റ് മുഹമ്മദ് കല്ലിങ്ങല്‍ അധ്യക്ഷത വഹിച്ചു.  മുഹമ്മദ് ഇര്‍ഷാദ് കല്ലന്‍, ഷഫീഖ് കമ്പാല, ഫര്‍ഹാന്‍ നാസര്‍, സഫ്‌വാന്‍ പുളിക്കല്‍ തുടങ്ങിയവര്‍ സംസാരിച്ചു. ജനറല്‍ സെക്രട്ടറി ദില്‍ഷാദ് തലാപ്പില്‍  സ്വാഗതവും ട്രെഷറര്‍ അലവിക്കുട്ടി പെരുമ്പള്ളി നന്ദിയും പറഞ്ഞു.