മനാമ: ബഹ്‌റൈനില്‍ ജോലി ചെയ്തു വരികയായിരുന്ന തൃശൂര്‍ സ്വദേശി ഹൃദയാഘാതം മൂലം മരിച്ചു.

കൊടുങ്ങല്ലൂര്‍ സ്വദേശിയായ അബ്ദുല്‍ നാസര്‍ കളപ്പുരക്കല്‍ (47) ആണ് മരിച്ചത്.

റിഫ പ്രവിശ്യയില്‍ എക്‌സോട്ടിക് കാര്‍ കമ്പനിയില്‍ ജോലി ചെയ്തു വരികയായിരുന്നു. 12 വര്‍ഷമായി ബഹ്‌റൈനില്‍ എത്തിയ ഇദ്ദേഹത്തെ ദിവസങ്ങള്‍ക്കു മുന്‍പാണ് സല്‍മാനിയ മെഡിക്കല്‍ കോളജില്‍ പ്രവേശിപ്പിച്ചത്.

രണ്ടു ദിവസം മുന്‍പാണ് ഡിസ്ചാര്‍ജ്ജ് ചെയ്തത്. മൃതദേഹം ഇപ്പോള്‍ ബിഡിഎഫ് ആശുപത്രിയില്‍ സൂക്ഷിച്ചിരിക്കുകയാണ്. നിയമ നടപടികള്‍ പൂര്‍ത്തിയാക്കി അടുത്ത ദിവസം മൃതദേഹം നാട്ടിലേയ്ക്ക് കൊണ്ടുപോകും.