ന്യൂഡല്‍ഹി: ഇംഗ്ലീഷ് നിഘണ്ടുവില്‍നിന്ന് 'ണശറീം' (വിധവ) എന്ന പദം നീക്കണമെന്നാവശ്യപ്പെട്ട് സാമൂഹമാധ്യമങ്ങളില്‍ കാംപയിന്‍. വിധവകള്‍ക്ക് തുല്യാവകാശവും പരിചരണവും ആവശ്യപ്പെട്ട് നാരി ശക്തി പുരസ്‌കാര്‍ ജേതാവ് ഡോ. ലക്ഷ്മി ഗൗതമാണ് കാംപയിനിന് നേതൃത്വം നല്‍കുന്നത്.
#ണലഅൃലഋൂൗമഹ എന്ന ഹാഷ്ടാഗിലാണ് സാമൂഹമാധ്യമങ്ങളില്‍ കാംപയിന്‍ ആരംഭിച്ചിരിക്കുന്നത്. ഭര്‍ത്താവ് മരിച്ചവരെ വിധവ എന്നു വിളിക്കുന്നത് അവസാനിപ്പിക്കണം. അങ്ങനെ ഉപയോഗിക്കുന്നത് വിവേചനപരമാണ്. അത്തരം സ്ത്രീകളില്‍ മാനസികമായ ആഘാതം സൃഷ്ടിക്കുന്നതാണ് ആ പദപ്രയോഗം. ഭര്‍ത്താവ് മരിച്ചതിന് അവരോട് വിവേചനം കാണിക്കുകയല്ല, ആദരവോടെ പെരുമാറുകയാണു വേണ്ടതെന്ന് വൃന്ദാവനില്‍ ലോക വനിതാദിനമായ ഇന്നലെ സംഘടിപ്പിച്ച കാംപയിന്‍ ഉദ്ഘാടന ചടങ്ങില്‍ ലക്ഷ്മി ഗൗതം പറഞ്ഞു.
#ണലഅൃലഋൂൗമഹ എന്ന ഹാഷ്ടാഗില്‍ സ്ത്രീ, ശിശു വികസന മന്ത്രാലയവും ഇന്നലെ സോഷ്യല്‍ മീഡിയാ കാംപയിന്‍ ആരംഭിച്ചിട്ടുണ്ട്. സ്ത്രീശാക്തീകരണത്തിനായി സേവനമര്‍പ്പിച്ച വിവിധ സംഘടനകളെയും വ്യക്തികളെയും വനിതാദിനത്തിന്റെ ഭാഗമായി രാഷ്ട്രപതി ആദരിക്കുന്ന നാരി ശക്തി അവാര്‍ഡ്ദാന ചടങ്ങിലാണ് മന്ത്രാലയം കാംപയിനിന് തുടക്കമിട്ടത്.