ന്യൂഡല്‍ഹി: കോണ്‍ഗ്രസ് വിട്ട ജ്യോതിരാദിത്യ സിന്ധ്യ ബി.ജെ.പിയില്‍ ചേര്‍ന്നു. മധ്യപ്രദേശ് മുഖ്യമന്ത്രി കമാല്‍ നാഥുമായുള്ള തര്‍ക്കത്തെ തുടര്‍ന്നാണ് സിന്ധ്യ കോണ്‍ഗ്രസ് വിട്ടത്.

'രാജ്യത്തെ സേവിക്കാന്‍ എനിക്ക് അവസരം ലഭിക്കുമെന്നാണ് പ്രതീക്ഷിക്കുന്നത്. പ്രധാനമന്ത്രി നരേന്ദ്ര മോദിക്കും കേന്ദ്രമന്ത്രി അമിത്ഷായ്ക്കും ഞാന്‍ നന്ദി അറിയിക്കുന്നു'- ഡല്‍ഹിയിലെ ബി.ജെ.പി ആസ്ഥാനത്ത് അംഗത്വം സ്വീകരിച്ചു കൊണ്ട് സിന്ധ്യ പറഞ്ഞു. ബി.ജെ.പി അധ്യക്ഷന്‍ ജെ.പി നദ്ദയില്‍ നിന്നാണ് സിന്ധ്യ അംഗത്വം സ്വീകരിച്ചത്.

അംഗത്വം സ്വീകരിച്ചതിനു പിന്നാലെ മോദിയെ വാഴ്ത്തിക്കൊണ്ടാണ് സിന്ധ്യ സംസാരിച്ചത്. 'ഒരു പ്രാവശ്യമില്ല, രണ്ടു തവണയാണ് പൊതുജനങ്ങളുടെ വിധിയെഴുത്തില്‍ മോദിക്ക് വന്‍ വിജയം നേടാനായത്. രാജ്യത്തിന്റെ ഭാവി അദ്ദേഹത്തിന്റെ കൈകളില്‍ സുരക്ഷിതമാണെന്ന് ഞാന്‍ വിശ്വസിക്കുന്നു'- സിന്ധ്യ പറഞ്ഞു.

#WATCH Live from Delhi: Jyotiraditya Scindia joins Bharatiya Janata Party (BJP), in presence of BJP President JP Nadda https://t.co/xBIMuF4CKZ

— ANI (@ANI) March 11, 2020