ഡല്‍ഹി: ഐ.എസ്.എല്ലില്‍ കേരള ബ്ലാസ്റ്റേഴ്‌സിന്റെ തോല്‍വി ത്തുടര്‍ച്ച. എതിരില്ലാത്ത രണ്ട് ഗോളുകള്‍ക്കാണ് ഡല്‍ഹിയോട് ബ്ലാസ്റ്റേഴ്‌സ് പരാജയപ്പെട്ടത്. 28-ാം മിനുട്ടില്‍ ഗിയാനി സുവര്‍ലൂന്റെ ഗോളില്‍ ഡല്‍ഹി മുന്നിലെത്തി. പിന്നീട് ഗോള്‍മടക്കാന്‍ ബ്ലാസ്റ്റേഴ്‌സിനായില്ല.

ഗോള്‍മടക്കാനുള്ള ശ്രമത്തിനിടെ 94-ാം മിനുട്ടില്‍ രണ്ടാം ഗോളും വീണ്ടു. പന്തുമായി മുന്നേറിയ ഡല്‍ഹി താരത്തെ ബോക്‌സില്‍ വീഴ്ത്തിയതിന് റഫറി പെനാല്‍റ്റി വിധിച്ചു. കിക്കെടുത്ത റെനെ പന്ത് ലക്ഷ്യത്തിലെത്തിച്ച് രണ്ട് ഗോളിന്റെ ജയം സ്വന്തമാക്കി. 93-ാം മിനുട്ടില്‍ ബ്ലാസ്റ്റേഴ്‌സിന്റെ ലാല്‍റുവാത്താരത്ത് ചുവപ്പ് കാര്‍ഡ് കാണേണ്ടിയും വന്നു.

സൂപ്പര്‍ കപ്പിലേക്ക് യോഗ്യത തേടി നടക്കുന്ന ബ്ലാസ്റ്റേഴ്‌സിന്റെ പ്രതീക്ഷകള്‍ക്ക് ഇതോടെ കരിനിഴല്‍ വീണു. ജയത്തോടെ 13 മത്സരത്തില്‍ 10 പോയിന്റുമായി ഡല്‍ഹി എട്ടാം സ്ഥാനത്തെത്തി. 14 മത്സരത്തില്‍ 10 പോയിന്റുള്ള ബ്ലാസ്റ്റേഴ്‌സ് ഒരു സ്ഥാനം താഴേക്കിറങ്ങി. 10ാം സ്ഥാനത്തുള്ള ചെന്നൈയിന്‍ മാത്രമാണ് ഇനി ബ്ലാസ്റ്റേഴ്‌സിന് താഴെയുള്ളത്.