മാള: ചാലക്കുടിപ്പുഴയിലെ കണക്കന്‍കടവ് തടയണ തകര്‍ന്ന് ഉപ്പുവെള്ളം കയറി കോടിക്കണക്കിന് രൂപയുടെ കൃഷിനാശം ഉണ്ടായിട്ടും നടപടി സ്വീകരിക്കാത്തത്തില്‍ പ്രതിഷേധിച്ച് കോണ്‍ഗ്രസ് കുഴൂര്‍ മണ്ഡലം കമ്മിറ്റിയുടെ നേതൃത്വത്തില്‍ ഉപവാസ സമരം നടത്തി.കുഴൂരിലാണ് മണ്ഡലം കമ്മിറ്റിയുടെ നേതൃത്വത്തില്‍ ഒരു ദിവസത്തെ സമരം സംഘടിപ്പിച്ചത്. തടയണ തകരാറിലായിട്ടും നടപടിയെടുക്കാന്‍ വൈകിയെന്നും അധികൃതരുടെ ഭാഗത്ത് നിന്ന് വലിയ വീഴ്ചയാണ് ഉണ്ടായതെന്നും കോണ്‍ഗ്രസ് ആരോപിച്ചു. ഡി.സി.സി ജനറല്‍ സെക്രട്ടറി വി.എ അബ്ദുള്‍ കരീം ഉദ്ഘാടനം ചെയ്തു. മണ്ഡലം കോണ്‍ഗ്രസ് പ്രസിഡന്റ് എന്‍.എസ് വിജയന്‍ അധ്യക്ഷനായി. ബ്ലോക്ക് പഞ്ചായത്ത് പ്രസിഡന്റ് വര്‍ഗീസ് കാച്ചപ്പിള്ളി, പി.ശാന്തകുമാരി, എം.എ ജോജോ സംസാരിച്ചു.