വേങ്ങര: പുതിയ നിയമസഭാമന്ദിരം നിര്‍മിച്ചത് ഏത് വര്‍ഷമാണ്, സഭ തുടങ്ങുന്നത് ഏതൊക്കെ സമയമാണ് തുടങ്ങിയ ചെറിയ മനസിലെ വലിയ ചോദ്യങ്ങള്‍ ചോദിച്ച് നിയമസഭയിലെത്തിയ വിദ്യാര്‍ഥികള്‍ പ്രതിപക്ഷ ഉപ നേതാവ് പി.കെ കുഞ്ഞാലിക്കുട്ടിക്കൊപ്പം തലസ്ഥാനത്ത് ഒത്തുകൂടി.
 തന്റെ നിയോജക മണ്ഡലത്തിലെ എ.ആര്‍. നഗര്‍ പഞ്ചായിത്തില്‍ നിന്ന് ഇരുമ്പുചോല എ.യു.പി സ്‌കൂളിലെ വിദ്യാര്‍ഥികളാണ് തന്നെ കാണാന്‍ വന്നതെന്ന് അറിഞ്ഞ് ഏറെ സന്തോഷത്തോടെയാണ് ഉപനേതാവിന്റെ ഓഫിസിലേക്ക് കുട്ടികളെ കൊണ്ടുവന്നത്. നിയമസഭയില്‍ ഏറെ തിരക്കുനിറഞ്ഞ ദിവസമായിട്ടും ഇന്നലെ കുട്ടികളുമായി കൂടുതല്‍ സമയം എം.എല്‍.എ കുശലം പറഞ്ഞ് സന്തോഷം പങ്കുവച്ചു. തുടര്‍ന്ന് എം.എല്‍.എ തന്റെ ഫേസ്ബുക്കില്‍ കുട്ടികളുമായി സംവദിക്കുന്ന വീഡിയോകളും ചിത്രങ്ങളും അപ്‌ലോഡ് ചെയ്തിട്ടുമുണ്ട്.