കാസര്‍കോട്: നഗരത്തില്‍ സ്ഥാപിച്ച ഇ-ടോയ്‌ലറ്റ് ദ്രവിച്ചു നശിക്കുന്നു. നഗരസഭ പുതിയ ബസ്സ്റ്റാന്‍ഡ് പരിസരത്ത് രണ്ടു വര്‍ഷം മുമ്പ് സ്ഥാപിച്ച ഇ ടോയ്‌ലറ്റ് യൂനിറ്റാണ് നശിക്കുന്നത്. സ്ഥാപിച്ച് മാസങ്ങള്‍ പിന്നിട്ടതോടെ ടോയ്‌ലറ്റിന്റെ യന്ത്രത്തിന് തകരാറുകള്‍ സംഭവിക്കുകയും ഇതു പരിഹരിക്കാന്‍ നടപടികള്‍ ഇല്ലാതെ വന്നതോടെ ഇത് തീര്‍ത്തും ഉപയോഗശൂന്യമാകുകയുമായിരുന്നു. യൂനിറ്റിന്റെ വാതില്‍പ്പടി ഉള്‍പ്പെടെ തകര്‍ന്നു വീണ അവസ്ഥയിലാണുള്ളത്. സിനിമാ പോസ്റ്ററുകളും മറ്റു നോട്ടീസുകളും പതിക്കാനുള്ള ബോര്‍ഡായി മാറിയിട്ടുണ്ട് ടോയ്‌ലറ്റ് യൂനിറ്റ്.