തൃശൂര്‍: കൊവിഡ് ബാധയുണ്ടെന്ന് ആരോപിച്ച് ഡോക്ടറെയും ഭാര്യയേയും ഫ്‌ളാറ്റിനുള്ളില്‍ പൂട്ടിയിട്ട റസിഡന്‍സ് അസോസിയേഷന്‍ ഭാരവാഹികള്‍ അറസ്റ്റില്‍. തൃശൂര്‍ മുണ്ടുപാലത്തെ ഫ്‌ളാറ്റിലാണ് സംഭവം.

അസോസിയേഷന്‍ ഭാരവാഹികള്‍ ഡോകടറുടെ ഫ്‌ളാറ്റിന് പുറത്ത് കൊറോണ എന്നെഴുതിയ ബോര്‍ഡ് സ്ഥാപിക്കുകയും ചെയ്തിരുന്നു.

സഊദിയില്‍ ഡോക്ടറായ മകനെ സന്ദര്‍ശിച്ച് നാട്ടിലെത്തിയതായിരുന്നു ദമ്പതികള്‍. ഡോക്ടര്‍ ഫോണില്‍ വിളിച്ചതനുസരിച്ച് പൊലിസെത്തിയാണ് ഇവരെ മോചിപ്പിച്ചത്. ഡോക്ടറുടെ പരാതിയുടെ അടിസ്ഥാനത്തില്‍ തൃശൂര്‍ ഈസ്റ്റ് പൊലിസ് കേസെടുക്കുകയായിരുന്നു.