നാദാപുരം: കോവിഡ് വ്യാപനം തടയുന്നതിന്റെ ഭാഗമായി നാദാപുരത്ത് സമ്പൂര്‍ണ്ണ ക്ലീനിംഗ് നടത്തി. നാദാപുരം ഫയര്‍ഫോഴ്‌സും വ്യാപാരി വ്യവസായി പ്രവര്‍ത്തകരും ഇന്ന് കാലത്ത് എട്ടു മണി മുതലാണ് ക്ലീനിംഗ് പ്രവര്‍ത്തനം ആരംഭിച്ചത്. ബസ് സ്റ്റാന്റ്, ടാക്‌സി സ്റ്റാന്റ്, മാര്‍ക്കറ്റ്, റോഡുകള്‍, താലൂക്ക് ആശുപത്രി എന്നിവിടങ്ങളില്‍ പ്രത്യേക അണു വി മുക്ത ലായനി തളിച്ചു. ഗ്രാമ പഞ്ചായത്ത് പ്രസിഡന്റ് എം.കെ സഫീറ, നാദാപുരം സര്‍ക്കിള്‍ ഇന്‍സ്‌പെക്ടര്‍ എം.സുനില്‍ കുമാര്‍, ഫയര്‍ ഓഫീസര്‍ വാസിത് ചേച്ചം കണ്ടി, വ്യാപാരി നേതാക്കളായ കെ.കെ ഇഖ്ബാല്‍, കണേക്കല്‍ അബ്ബാസ്, ഹാരിസ് മാത്തോട്ടം, വി.കെ സലീം , ഇഖ്ബാല്‍ ചെപ്പോടത്ത് നേതൃത്വം നല്‍കി.