ന്യൂഡല്‍ഹി: ഉത്തര്‍പ്രദേശ് അടക്കം അഞ്ചു സംസ്ഥാനങ്ങളിലെ നിയമസഭാ തെരഞ്ഞെടുപ്പ് പുറത്തുവരുമ്പോള്‍ കോണ്‍ഗ്രസ് അധ്യക്ഷ സോണിയാ ഗാന്ധി ഇന്ത്യയിലുണ്ടാവില്ല. വൈദ്യപരിശോധനയ്ക്കും ചികിത്സയ്ക്കുമായി വിദേശത്തു പോകുന്നതിനാലാണിത്. പകരം പാര്‍ട്ടിയുടെ ചുമതല രാഹുല്‍ ഗാന്ധിക്കാണ്.

ചികിത്സയ്ക്കായി ചൊവ്വാഴ്ച വിദേശത്തേക്കു തിരിച്ച സോണിയ 22 നാണ് തിരിച്ചെത്തുക. കഴിഞ്ഞ വര്‍ഷം ആഗസ്റ്റില്‍ മോദിയുടെ മണ്ഡലമായ വാരണാസിയില്‍ റാലി നടക്കുന്നതിനിടെയാണ് അസ്വസ്ഥതയുണ്ടായി സോണിയയെ ആശുപത്രിയില്‍ പ്രവേശിപ്പിക്കുന്നത്. ഇതിനുശേഷം പൊതുവേദികളില്‍ അപൂര്‍വ്വമായാണ് പങ്കെടുക്കാറുള്ളത്.