നെടുമ്പാശ്ശേരി: പീഡനകേസിലെ പ്രതി ലുക്കൗട്ട് നോട്ടിസിനെ തുടര്‍ന്ന് നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ പിടിയിലായി. പീഡനക്കേസില്‍ പ്രതിയായതിനെ തുടര്‍ന്ന് വിദേശത്തേക്ക് കടന്നയാളാണ് നാട്ടില്‍ മടങ്ങിയെത്തിയപ്പോള്‍ വിമാനത്താവളത്തിലെ എമിഗ്രേഷന്‍ വിഭാഗത്തിന്റെ പിടിയിലായത്. പാലക്കാട് ചാലിശേരി പൊലിസ് രജിസ്റ്റര്‍ ചെയ്തിരുന്ന കേസില്‍ പ്രതിയായ പാലക്കാട് പെരുങ്ങോട് പെരുങ്ങന്നൂര്‍ തേവത്ത് വളപ്പില്‍ വീട്ടില്‍ അബ്ദുള്‍ ഗഫൂര്‍ (31) ആണ് പിടിയിലായത്. കേസിനെ തുടര്‍ന്ന് പ്രതി ഷാര്‍ജയിലേക്ക് മുങ്ങുകയായിരുന്നു. പ്രതിയെ നെടുമ്പാശേരി പൊലിസ് ചാലിശേരി പൊലീസിന് കൈമാറി.