ന്യൂഡല്‍ഹി: കൊവിഡ് പശ്ചാത്തലത്തില്‍ ലോക് ഡൗണ്‍ പ്രഖ്യാപിച്ചതോടെ ഓണ്‍ലൈന്‍ ഉപയോഗം മൊബൈല്‍ സേവനങ്ങളെ ബാധിച്ചു തുടങ്ങി. ലോക് ഡൗണിനെ തുടര്‍ന്ന് ഉപഭോഗം വര്‍ധിച്ചതിനു പിന്നാലെ ടവറുകള്‍ നിശ്ചലമാകുന്ന സാഹചര്യം ഒഴിവാക്കാന്‍ ഡിജിറ്റല്‍ കമ്പനികള്‍ തീരുമാനിച്ചു.
ഇതുവരെ എച്ച്.ഡി, അള്‍ട്രാ എച്ച്.ഡി സേവനങ്ങള്‍ നല്‍കിയതിനു പകരം ഇനി 480 പി ബിറ്റ്‌റേറ്റിലുള്ള എസ്.ഡി സ്ട്രീമിങ് വിഡിയോ ആണ് ലഭിക്കുക.
ഡിജിറ്റല്‍ കമ്പനികളുടെ സംയുക്ത യോഗത്തിന്റേതാണ് തീരുമാനം. ഏപ്രില്‍ 14 വരെയാണ് ഇങ്ങനെ ലഭിക്കുക. മറ്റു സേവനങ്ങള്‍ തടസപ്പെടാതിരിക്കാനാണ് നടപടി.