ഹരിപ്പാട് : സമസ്ത കേരളാ ജംഇയ്യത്തുല്‍ ഉലമാ, എസ്.വൈ.എസ്' എസ്.കെ എസ്.എസ് എഫ് വീയപുരം ഏരിയാ കമ്മിറ്റിയുടെ ആഭിമുഖ്യത്തില്‍ വീയപുരം ഈസ്റ്റ് ഷംസുല്‍ ഉലമാ നഗറില്‍ മെയ് 2, 3 തീയതികളില്‍ മതപ്രഭാഷണവും മജ്‌ലിസുന്നൂര്‍ ആത്മീയ സംഗമവും പ്രാര്‍ത്ഥനാ സദസ്സും നടക്കും.
മെയ് 2 ന് വൈകിട്ട് 5ന് ഹാജി പി അഹമ്മദ് കുട്ടി പതാക ഉയര്‍ത്തുന്നതോടെ പരിപാടിക്ക് തുടക്കം കുറിക്കും. മഗ്‌രിബ് നമസ്‌കാരാനന്തരം പ്രാരംഭ സമ്മേളനം ജലാലുദ്ദീന്‍ മുസ് ലിയാരുടെ പ്രാര്‍ത്ഥനയോടെ ആരംഭിക്കും' എസ് വൈ എസ് ജില്ലാ ഓര്‍ഗനൈസിങ് സെക്രട്ടറി എം.എ സിദ്ധീക്ക് അദ്ധ്യക്ഷത വഹിക്കുന്ന യോഗം എസ്.വൈ.എസ് ജില്ലാ പ്രസിഡന്റ് നിസാമുദ്ദീന്‍ ഫൈസി ഉദ്ഘാടനം ചെയ്യും.
നിയാസ് മദനി ആ മുഖ പ്രഭാഷണം നടത്തും. എസ് വൈ എസ് ജില്ലാ സെക്രട്ടറി നിസാര്‍ പറമ്പന്‍, ഷാജഹാന്‍ മുസ്ലിയാര്‍, സഈദ് സഖാഫി ' സിഷാദ് അബ്ദുല്‍ അസീസ്, അബ്ദുല്‍ വാഹിദ് മുസ്ലിയാര്‍ കെ.എം റഈസ് . എന്നിവര്‍ ആശംസാ പ്രസംഗം നടത്തും സ്വാഗത സംഘം ജനറല്‍ കണ്‍വീനര്‍ സ്വാഗതം ആശംസിക്കും. സമ്മേളനത്തിന് മുന്നോടിയായി എം.എ അബ്ദുല്‍ ലത്തീഫ് മുസ്‌ലിയാരുടെ നേതൃത്വത്തില്‍ മൗലിദ് പാരായണം നടക്കും. സമ്മേളനാനന്തരം റംസാന്‍ മുന്നൊരുക്കം എന്ന വിഷയത്തില്‍ സക്കീര്‍ ഹുസൈന്‍ അസ്ഹരി പ്രഭാഷണം നടത്തും' മെയ് 3 ന് വൈകിട്ട് 8.30 ന് ഇഷ്‌കിന്റെ നിറവില്‍ ഈമാനിന്റെ മധുരം എന്ന വിഷയത്തില്‍ അയ്യൂബ് മന്നാനിയുടെ മത പ്രഭാഷണം.
തുടര്‍ന്ന് ജംഇയ്യത്തുല്‍ ഖുത്ത ബാ സംസ്ഥാന വൈസ് പ്രസിഡന്റ് സയ്യിദ് ഹദിയ്യത്തുല്ലാ തങ്ങള്‍ റഷാദീ അല്‍ ഐദറൂസീ മജ്‌ലിസുന്നുര്‍ ആത്മീയ സംഗമത്തിന് നേതൃത്വം നല്‍കും. സയ്യിദ് അബ്ദുല്ലാ തങ്ങള്‍ ദാരിമി അല്‍ ഐദറൂസി, എം.എ അബ്ദുല്‍ റഹ്മാന്‍ അല്‍ ഖാസിമി തുടങ്ങിയ പ്രമുഖര്‍ പങ്കെടുക്കും.