മലയിന്‍കീഴ്: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച ഓട്ടോ ഡ്രൈവര്‍ അറസ്റ്റില്‍. മാറനല്ലൂര്‍ ഊരൂട്ടമ്പലം കിടങ്ങപ്പള്ളിക്കോണം രമ്യാ ഭവനില്‍ നന്ദകുമാറാണ് (24) പിടിയിലായത്. പ്ലസ് വണ്‍ വിദ്യാര്‍ഥിനിയെ സ്‌കൂള്‍ പരിസരത്ത് വച്ച് പരിചയപ്പെട്ട ഇയാള്‍ വീട്ടുകാരറിയാതെ പെണ്‍കുട്ടിക്ക് മൊബൈല്‍ ഫോണ്‍ വാങ്ങി നല്‍കി വശീകരിച്ച് വിവാഹ വാഗ്ദാനം നല്‍കി പല സ്ഥലങ്ങളില്‍ കൊണ്ടുപോയി പീഡിപ്പിക്കുകയായിരുന്നു.
നെടുമങ്ങാട് ഡിവൈ.എസ്.പി ഇ.എസ് ബിജുമോന്റെ നേതൃത്വത്തില്‍ കാട്ടാക്കട സി.ഐ അനുരൂപും മാറനല്ലൂര്‍ പൊലിസും ചേര്‍ന്നാണ് പ്രതിയെ അറസ്റ്റ് ചെയ്തത്.ഇയാള്‍ വിവാഹിതനും ഒരു കുട്ടിയുടെ പിതാവുമാണ്.