ഓക്‌ലാന്‍ഡ്: ഇന്ത്യന്‍ വനിതകളെ വീഴ്ത്തി ആതിഥേയരായ ന്യൂസിലന്‍ഡ് ടി20 പരമ്പര സ്വന്തമാക്കി. രണ്ട@ാം ടി20യില്‍ നാല് വിക്കറ്റിനായിരുന്നു ന്യൂസിലന്‍ഡിന്റെ വിജയം. ആദ്യം ബാറ്റ് ചെയ്ത ഇന്ത്യ നിശ്ചിത ഓവറില്‍ ആറ് വിക്കറ്റ് നഷ്ടത്തില്‍ 135 റണ്‍സെടുത്തു. മറുപടി ബാറ്റിങ്ങിനിറങ്ങിയ ന്യൂസിലന്‍ഡ് അവസാന പന്തില്‍ വിജയം കണ്ടെത്തുകയായിരുന്നു.

വിജയത്തോടെ മൂന്ന് മത്സരങ്ങളുടെ ടി20 പരമ്പര 2-0ന് സ്വന്തമാക്കാനും ന്യൂസിലന്‍ഡിനായി. ഒന്നാം ടി20യില്‍ 23 റണ്‍സിനാണ് കിവീസ് ഇന്ത്യയെ പരാജയപ്പെടുത്തിയിരുന്നത്.
ഏകദിന പരമ്പരയില്‍ ഇന്ത്യക്ക് മുന്നില്‍ അടിയറവ് പറഞ്ഞ കിവീസിന് ടി20യിലൂടെ സ്വന്തം നാട്ടില്‍ തന്നെ പകരം ചോദിക്കാനും കഴിഞ്ഞു. ഇന്ത്യക്കായി ജെമീമ റോഡ്രിഗസും (72) ന്യൂസിലന്‍ഡിനായി സൂസി ബാറ്റെസും (62) അര്‍ധസെഞ്ചുറിയുമായി തിളങ്ങി. നാളെയാണ് പരമ്പരയിലെ മൂന്നാം മത്സരം.