കല്യാശേരി: കണ്ണൂര്‍ ജില്ലയിലെ അധ്യാപക സംഘടനാ നേതാക്കളില്‍ പ്രമുഖനായ എന്‍. തമ്പാന്‍ ഏപ്രില്‍ 30ന് സര്‍വിസില്‍ നിന്നും വിരമിച്ചു.
വിരമിക്കല്‍ വേളയില്‍ അധ്യാപക സര്‍വിസ് കാലഘട്ടത്തിനിടയില്‍ സമ്പാദി ച്ചതും സമ്മാനമായി ലഭിച്ചതുമായ ഇരുനൂറ്റി അന്‍പതോളം പുസ്തകങ്ങളാണ് സ്‌ക്കൂള്‍ ലൈബ്രറി ശേഖരത്തിന് സമ്മാനിച്ചത്.
ഇതില്‍ വില കൂടിയ നിരവധി പുസ്തകങ്ങളും ഉള്‍പ്പെടും. കെ.പി.എസ്.ടി.എ. യുടെ കണ്ണൂര്‍ ജില്ലാ സെക്രട്ടറിയായി രണ്ട് വര്‍ഷവും അതിന് മുന്‍പ് ജി.എസ്.ടി.യു വിന്റെ ജില്ലാ സെക്രട്ടറിയായും സംസ്ഥാന കമ്മിറ്റി അംഗമായും തമ്പാന്‍ പ്രവര്‍ത്തിച്ചിട്ടുണ്ട്. കഴിഞ്ഞ നിരവധി വര്‍ഷങ്ങളായി കണ്ണൂരിലെ വിവിധ സ്‌ക്കൂള്‍ മേളകളിലും അധ്യാപക പ്രക്ഷോഭ നേതൃനിരയിലും തമ്പാന്റെ സജീവ സാന്നിധ്യ മാ ണുണ്ടായിരുന്നത്.നിലവില്‍ കല്യാശ്ശേരി ഗവ: ഹൈസ്‌ക്കൂള്‍ അധ്യാപകനായി പ്രവര്‍ത്തിച്ച് വരികയാണ്. പുസ്തകങ്ങള്‍ സ്‌ക്കൂള്‍ പി.ടി.എ. പ്രസിഡന്റ് പി.സജീവന്റെ സാന്നിധ്യത്തില്‍ പ്രധാനധ്യാപിക സി.വി. ജ്യോല്‍സ്‌ന ഏറ്റുവാങ്ങി. അധ്യാപകരായ കെ.സി. ശ്രീജിത്ത്, കെ.ല സീന, സുവര്‍ണ എന്നിവര്‍ പരിപാടിക്ക് നേതൃത്വം നല്‍കി.